bekal12239

ദേശസ്നേഹികൾക്ക് അർച്ചനയായി കൂട്ടക്കനിയുടെ വന്ദേ മാതരം സംഗീത ശിൽപം  

കൂട്ടക്കനി :എഴുപതാം സ്വാതന്ത്ര്യദിനത്തിൽ കൂട്ടാക്കനി സ്‌കൂളിലെ കുട്ടികൾ ഒരുക്കിയ വന്ദേ മാതരം സംഗീതശിൽപം ധീര ദേശാഭിമാനികൾക്ക് അർച്ചനയായി.സ്‌കൂളിലെ നാനൂറ് കുട്ടികൾ അണിനിരന്ന സംഗീതശില്പത്തിൽ ദേശീയപതാകയുടെ ത്രിവർണ നിറത്തിൽ കുട്ടികൾ വിവിധ രംഗങ്ങൾ ആവിഷ്കരിച്ചു.മുക്കാൽ മണിക്കൂറോളം നീണ്ടുനിന്ന സംഗീതശിൽപം സ്‌കൂൾ അധ്യാപകരായ രാജേഷ് കൂട്ടക്കനിയും പി.വി .ബാബുവുമാണ് അണിയിച്ചൊരുക്കിയത്.സ്വാതന്ത്ര്യദിനാഘോഷത്തിന്റെ ഉദ്‌ഘാടനം പള്ളിക്കര ഗ്രാമപഞ്ചായത്തു പ്രസിഡന്റ് ഇന്ദിര നിർവഹിച്ചു.വാർഡ് അംഗം ടി.ബിന്ദു,കുമാരൻ .കെ,ഗംഗാധരൻ എന്നിവർ സംസാരിച്ചു.പരിപാടിയിൽ മികച്ച കുട്ടികൾക്കുള്ള സഹൃദയ പാക്കത്തിന്റെ ഉപഹാരവും എൻഡോവ്മെന്റും നൽകി.ഹെഡ്മാസ്റ്റർ എം.കെ.ഗോപകുമാർ സ്വാഗതവും യു.പ്രഭ നന്ദിയും പറഞ്ഞു.